عايز تشترى شاشه فلات او تليفزيون اتش دى ” هاى ديفينشن ” ( HD TV ) و طبعا عايز المبلغ اللى تدفعه يكون هو السعر الحقيقي للجهاز او اقرب ما يكون للحقيقه. السطور اللى ان شاء الله هاكتبها هاتساعدك علشان تحقق كل ده. يوجد انواع كثيرة و اشكان متنوعه من الاتش دى تى فى ( HDTV ) ولكن الشاشات الفلات ” flat ” هى الاقوى الان و اكثر الانواع شعبيه < –more–>

بس برضه السؤال ليه الشاشه الفلات ؟ الاجابه تتلخص فى انها رقيقه جدا و شاشه متسعه جدا و خفيفه علشان كده تقدر تعلقها على الحائط بدون اى مشاكل. وعلى فكرة مش بس كده لان اسعار الانواع دى نزلت جدا طبعا للتطور الطبيعى و التكنولوجى السريع دور فى ده.

طيب اشترى ايه البلازما ” plasma ” او LCD ” الشاشات بنظام الكريستال السائل ” ( Liquid Crystal Display ) لو انت عايز حاجه 42 بوصه او اقل انصحك ب LCD اما لو كان غرضك جهاز بقطر اكبر من 42 بوصه فلك الاختيار على حسب فلوسك او المبلغ المحدد للجهاز و طبعا طبيعه استعمال الجهاز.

البلازما:

كل شاشات البلازما الان تقوم على تقنية HDTV ( الرزولوتشن ) حجم الشاشه يبدا من 37 بوصه و تصل الى 65 بوصه و يوجد انواع من هذه الانواع تصل الى 150 بوصه ” وااااو” طبعا مش للمنازل او الاماكن العاديه الا لو كنت غنى جدا و بيتك يسمح بشاشه من هذا النوع ولكنها مناسبه جدا لـ الترايد شو او المعارض التجاريه.طبعا هتلاقى مقابل لكل جنيه تدفعه لمثل هذه الاجهزة فلا تتعجب عندما تعرف ان اغلى انواع الشاشات ” البلازما و بخاصه موديل ” 1080p ” تعطيك رزوليشن عالى ( 1920×1080 ) مما يعطيك فرق واضح بين هذا النوع و موديل ” 720p ” و الذى يعطيك رزوليوشن ( 1366×768 ) او ( 1024×768 ) طبعا حجم الشاشه و دقتها و وضوحها له تاثير على صحتك و عينيك فمن هنا نلاحظ الفرق و نعرف قيمه الرزوليوشن و البوصه لانك لو جلست امام شاشه 65 بوصه ستجد انك اذا بعدت عن التلفزيون بمسافه 15 قدم ستكون الرؤيه واضحه ولكن مع شاشه 30 بوصه او حتى 40 ستجد ان الوضوح قل ” طبعا الارقام دى مجرد امثله ” . وعلى فكرة سماعات الصوت فى هذه الشاشات تاتى مدمجه بس فيه انواع ممكن تكون بدون مخارج صوت او مخارج ضعيفه بس كده هاتكون التكلفه اكتر .. وكله بتمنه

الال سي دى ( LCD )

الشاشات الال سي دى ( LCD ) تبدا من 15 بوصه تخيلوا و نلاحظها كثيرا فى اجهزة الكومبيوتر الديسك توب التى نراها دائماْ. وتصل هذه الانواع من شاشات الـ الال سي دى ( LCD ) الى 65 بوصه ” اكتر من كده روح للبلازما على طول ” وعلى فكرة شاشات الـ الال سي دى ( LCD) تحاول دائما اللحاق بالبلازما على الرغم من الفارق ولكن الانتقادات الكثيرة اللى بتتوجه الى الال سي دى ( LCD ) تعطلها. ورغم مميزاتها الكثيرة ومنها ” HD ” تبقى البلازما بعيده عن المنافسه ولكن شاشات الـ الال سي دى ( LCD ) تجد نفسها فى الانشات او البوصات الاقل من 30 فى محاوله لمواكبه البلازما.
فى النهايه احب ان انوة ان الانواع دى دلوقتى اسعارها فى النازل وده بسبب كثرة الانواع و تشبع السوق بيها بالاضافه الى التجدد الدائم يعنى واحد عنده شاشه او تليفزيون 30 بوصه يحاول انه يبيعه لشراء الـ 65 بوصه وبعدها شراء البلازما…. الخ وده بيتيح الفرصه لشخص تانى انه يشترى بسعر اقل.
دى معلومات بسيطه جدا عن الال سي دى ( LCD ) و شاشات البلازم ( plasma ) ولما تشتروا ابقوا ادعونا نتفرج معاكم.